SHBA-të rikonfirmojnë mbështetjen e anëtarësimit të Shqipërisë në BE

Donfried dhe Escobar takohen me kryeministrin Rama, dhe flasin rreth qëllimit për thellimin e partneritetit midis SHBA-ve dhe Shqipërisë

Ilustrim

Në përmbyllje të vizitës së Ndihmës Sekretares Amerikane të Shtetit për Çështjet Europiane dhe Euroaziatike, Karen Donfried dhe i Dërguari i Posaçëm për Ballkanin Perëndimor, Gabriel Escobar në Tiranë, Ambasada Amerikane ka shpërndarë një njoftim rreth takimeve të diplomatëve amerikanë në vendin tonë.

Donfried dhe Escobar u takuan paraditen e së premtes të 29 prillit, me kryeministrin e Shqipërisë, Edi Rama, ministra të ndryshëm, dhe drejtuesit e opozitës.

Edi Rama, kryeministri i Shqipërisë dhe Karen Donfried, ndihmës sekretarja amerikane

“Qëllimi i vizitës së tyre ishte thellimi i partneritetit tashmë të fortë midis Shteteve të Bashkuara dhe Shqipërisë si miq, aleate në NATO dhe anëtare në Këshillin e Sigurimit së Kombeve të Bashkuara, sidomos teksa festojmë 100-vjetorin e marrëdhënieve tona dypalëshe”, thuhet një njoftimin e ambasadës në Facebook.

Enkelejd Alibeaj dhe Karen Donfried

Sipas ambasadës, diplomatët amerikanë rikonfirmuan mbështetjen e SHBA-ve për anëtarësimin e Shqipërisë në BE dhe nxitën vijimin e reformave të nevojshme, përfshirë reformën në drejtësi, dhe mirëpritën përpjekjet e fundit për të diversifikuar burimet, furnizimet dhe rrugët e energjisë në Shqipëri dhe më gjerë në rajon.

Ilustrim

Ata, gjithashtu, nënvizuan se SHBA-të do të vazhdojnë luftën kundër korrupsionit, si një interes thelbësor i sigurisë kombëtare të Shteteve të Bashkuara.

“Ata theksuan gjithashtu rolin e pazëvendësueshëm të një opozite të fortë në demokracinë e Shqipërisë, theksuan rëndësinë e institucioneve të forta demokratike dhe sundimit të ligjit dhe shprehën shpresën për një partneritet të efektshëm dhe që sheh përpara me popullin shqiptar, duke përfshirë edhe partitë që i përfaqësojnë ata”, thuhet në përmbyllje të njoftimit të ambasadës.

Ilustrim

Shija e redaktorit

Gjermania i dhuron automjete FSK-së

Republika Federale e Gjermanisë do të dhurojë automjete për Forcën e Sigurisë së Kosovës. Sipas njoftimit të Ministrisë së Mbrojtjes, ceremonia e pranim-dorëzimit të donacionit...

Ipeshkvi Dodë Gjergji uron Myftiun Tërnava për Fitër Bajram

Bashkësinë Islame të Kosovës(BIK) e ka vizituar Dodë Gjergji nga Ipeshkvia e Kosovës. Me rastin e Fitër Bajramit, ai ka uruar Myftiun Naim Tërnava dhe...

(Video) “The Telegraph” tregon se si Policia e Kosovës mbron...

Përpara se policia kosovare të fillojë patrullimin e saj në kufirin me Serbinë, ata e ngarkojnë makinën me armatim, AK-47 janë të ngjitura në...

Të fundit nga rubrika