Para qeverisë janë mbledhur shumë qytetarë, duke protestuar kundër propozimit francez, pavarësisht mbrojtjeve metalike dhe tentimit të policisë për ti ndalur, prapë se prapë qytetarët janë futur në oborrin e qeverisë.
Protestuesit këndojnë gjatë gjithë kohës, Ultimatum? Jo, faleminderit.
Shumica e protestuesve kanë edhe maska në fytyrë të cilëve mund të iu dallohen vetëm sytë, raporton alsat.mk.
Kordoni i njësitit special është pozicionuar para dyerve të qeverisë, ndërkohë që protestuesit sillen vërdallë, duke vandalizuar oborrin e qeverisë.
Protestat kundër propozimit francez janë aktivizuar para disa ditëve kur dy palët, pra Maqedonia e Veriut dhe Bullgari, pranuan ndryshimet në propozimin e presidentit francez Emmanuel Macron për të përafruar qëndrimet për një marrëveshje trepalëshe për tejkalimin e problemeve bilaterale mes Maqedonisë dhe Bullgarisë.
Protesta ka filluar që nga dita e shtunë por zyrtarisht nuk ka organizator, organizues të protestave këto ditë kanë qenë parti dhe grupacione opozitare, protesta mori mbështetje edhe nga partia më e madhe opozitare VMRO-DPMNE, lideri i së cilës Hristijan Mickoski u bëri thirrje qytetarëve të bashkohen, siç tha, për të mbrojtur atë që quhet vlera evropiane dhe të shpëtohet procesi i negociatave me Bashkimin Evropian