Një gjendje e jashtëzakonshme është shpallur në një pjesë të Kalifornisë pasi një zjarri i cili vazhdon të përhapet me shpejtësi pranë Parkut Kombëtar “Yosemite”.
I ashtuquajturi “Zjarri i Lisit” ka shpërthyer në përmasa të mëdha që nga fillimi i së premtes duke bërë që më shumë se 3,000 njerëz të evakuuohen dhe 10 shtëpi të shkatërrohen.
“Sjellja e zjarrit shpërthyes po sfidon zjarrfikësit”, ka thënë departamenti i zjarrit i Kalifornisë.
Sipas Departamentit të Pyjeve dhe Mbrojtjes nga Zjarri në Kaliforni (Cal Fire), zjarri ka arritur të djegë 11,900 hektarë (4,815 hektarë) tokë, duke e bërë “Oak Fire” zjarrin më të madh aktiv në Shtetet e Bashkuara, për momentin.
Në qarkun “Mariposa” është shpallur gjendja e jashtëzakonshme, transmeton “BBC“.
Në një deklaratë, guvernatori i Kalifornisë, Gavin Newsom ka thënë se flakët po “shoqërohen nga moti i nxehtë dhe kushtet e thatësirës”.
Temperaturat në qarkun Mariposa arritën në 35.5 gradë celsius të shtunën dhe pritet të qëndrojnë në atë nivel për ditët në vijim.
Parku Kombëtar “Yosemite”, i cili shtrihet në veri-lindje të vendit është shtëpia e disa prej pemëve më të mëdha dhe më të vjetra sekuoja në botë.