Më pak se dy orë kanë mbetur nga betimi i kryetarit të ri të Mitrovicës së Veriut, Erden Atiq.
Gjatë rrugëve në këtë qytet janë vërejtur patrullime të shpeshta të Policisë së Kosovës, po ashtu,pranë komunës janë parë edhe pjesëtarë të EULEX-it.
Atiq u zgjodh kryetar i ri i Mitrovicës së Veriut, pas zgjedhjeve të jashtëzakonshme, ku procesin e kanë bojkotuar popullsia shumicë e qytetit e nacionalitetit serb. Mbrëmë më 18 maj, shtetet e QUINT-it kanë bërë thirrje të shmangen tensionet në pjesën veriore, teksa kanë theksuar se mandati i kryetarëve të rinj të komunave veriore është afatshkurtër.
Megjithatë, sipas tyre, zgjedhjet janë mbajtur në përputhshmëri me ligjet dhe Kushtetutën e Kosovës.
Po ashtu, ambasadori i ShBA-së në Kosovë, Jefrrey Hovenier, ditë më parë ka deklaruar se kryetarët e rinj duhet të kenë rol teknik e jo politik.
Në zgjedhjet e jashtëzakonshme lokale të mbajtura më 23 prill të këtij viti, kandidati nga partia në pushtet, Lëvizja Vetëvendosje, fitoi rreth 550 vota, përkatësisht 66 për qind të votave në total.
