Kryetari i Kuvendit të Kosovës, Glauk Konjufca, e ka shtyrë për javën e ardhshme seancën e Kuvendit.
Një vendim i tillë nga ana e Konjufcës erdhi si shkak i mungesës së kuorumit, mungesë kjo e cila u vë re dukshëm përgjatë hedhjes në votim të Projektligjit për ndryshimin dhe plotësimin e Ligjit për Skemat Pensionale të Financuara nga Shteti.
Në seancën plenare të Kuvendit të Kosovës, aty ku Kuvendi shqyrtoi Projektligjin nr.08/L-147 për ndryshimin dhe plotësimin e Ligjit nr.04-131 për Skemat Pensionale të Financuara nga Shteti, Opozita ka kërkuar ndryshimin e këtij ligji duke kërkuar largimin e nenit i cili parasheh dhënien e pensionit kontributdhënës për personat të cilët kanë 15 vjet përvojë pune para 1 janarit të vitit 1999.
Pavarësisht kërkesës së opozitës, një nismë e tillë nuk u përkrah nga ana e shumicës.