Sot shënohen 27 vjet nga rënia e heroit, Luan Haradinaj, në njërën nga betejat e para të UÇK-së kundër forcave serbe.
Sot mbahet Akademi Përkujtimore në 27-vjetorin e rënies së Haradinajt.
Bashkë me të vëllain, Ramush Haradinajn dhe grupin e përbërë nga Fehmi e Xhevë Lladrovci, Selim Krasniqi, Ramiz Lladrovci, Abedin Rexha e Ilaz Kodra, Rafet Rama e Gani Rama, Emrush Xhemajli dhe Ali Ahmeti, Luan Haradinaj ishte nisur për në Kosovë.
Grupi kishin rënë në pritë sipër fshtatit Larë, fshat që ndodhej afër Kushninit të Hasit, në vendin e quajtur “Qafa e Mullarit”.
Në këtë pritë ishte vrarë Luan Haradinaj, ndërsa ishte plagosur Rafet Rama, e njëkohësisht, edhe Ramush Haradinaj dhe Fehmi Lladrovci.
Trupi i Luan Haradinajt kishte pushuar në Vlanë deri në çlirimin e Kosovës. Pas çlirimit trupi i tij ishte rivarrosur në varrezat e Dëshmorëve të Kombit në vendlindje, në Gllogjan të Rekës.
Haradinaj ishte emëruar komandant i Logjistikës së UÇK-së në moshën 20-vjeçare.