Suedia ka gjetur rrjedhën e re në një tubacion të madh nënujor që transporton gaz natyror rus në Bashkimin Evropian. Kjo rrjedhë është e katërta që është zbuluar gjatë kësaj jave.
Në fillim të kësaj jave, Danimarka dhe Suedia kanë raportuar rrjedhje gazi në tubacionet Nord Stream 1 dhe 2 duke rritur mundësinë e një sulmi të qëllimshëm. Gjatë kohës kur BE-ja fajësoi “sabotimin”, Rusia hodhi poshtë sugjerimet se kishte sulmuar tubacionet e veta si “të parashikueshme dhe budallaqe”.
Në vend të kësaj, ministri i jashtëm i Kremlinit tha se shpërthimet ndodhën në “zona të kontrolluara nga inteligjenca amerikane”.
Roja bregdetare suedeze është shprehur se kishin gjetur rrjedhjen e katërt në Nord Stream 2.
Kreu i Agjencisë Ndërkombëtare të Energjisë, Fatih Birol, ka thënë se “është “shumë e qartë” se kush qëndron pas dëmit”, pa dhënë detaje.
Ndërsa, zëdhënësi i Kremlinit, Dmitry Peskov tha se ishte “jashtëzakonisht i shqetësuar” për rrjedhjet, duke shtuar se mundësia e një sulmi të qëllimshëm nuk mund të përjashtohej, raporton BBC.
Udhëheqësit e BE-së kanë thënë se çdo sulm në infrastrukturën energjetike të kontinentit do të përballet me “përgjigjen më të fortë të mundshme”.
As Nord Stream 1 dhe 2 nuk po transportojnë gaz për momentin, megjithëse të dy përmbajnë gaz. Tubacioni Nord Stream 1, i cili përbëhet nga dy degë paralelenuk ka transportuar asnjë gaz që nga fundi i gushtit kur Rusia e mbylli atë.