Policia e Kosovës ka bërë të ditur se në orët e para të 22 shtatorit është hedhur granatë dore në oborrin e një serbi në fshatin Ranilluk.
Në raportin 24-orësh të policisë, është bërë e ditur se si pasojë e shpërthimit janë shkaktuar dëme materiale në shtëpinë e viktimës.
Policia ka njoftuar se nuk ka të lënduar, dhe se rasti është duke u hetuar.
“Në oborrin e shtëpisë së viktimës mashkull serb kosovar, person-a të dyshuar të pa njohur kanë hedhur një mjet shpërthyes (granat dore). Si pasojë e shpërthimit janë shkaktuar dëme materiale në veturat të cilat ishin të parkuara në oborr”, ka njoftuar Policia e Kosovës.