Sulmohet nga qentë endacakë një grua në rrugën “C”/ Zogaj thotë se ky është një problem kompleks

Ilustrim

Qentë endacakë tash e sa kohë janë një shqetësim i madh për qytetarët e Prishtinës, dhe jo vetëm. Por prania e madhe e qenve endacakë në kryeqytet, po rrezikon vazhdimisht jetën e qytetarëve, ndërsa Komuna thotë se ky është një problem kompleks.

Pre e një sulmi nga tre qenë ka qenë sot një grua në rrugën “C” në Prishtinë. Kjo është bërë e ditur nga një video e publikuar në rrjetet sociale, ku shihet gruaja duke vrapuar që të mos e sulmojnë dhe, nga sulmi i pa ndalur i tre qenve ajo bie në tokë.

Nuk dihet nëse gruaja në fjalë ka pësuar lëndime.

RTV Dukagjini ka kontaktuar Nënkryetarin e Prishtinës Alban Zogaj, se çfarë masa do të ndërmarrin si komunë në lidhje me sulmin e qenve endacak, ndaj qytetares në fjalë.

Alban Zogaj, Nënkryetari i Komunës së Prishtinës

Ai ka deklaruar se janë të vetëdijshëm për problemin dhe se janë duke ndërmarrë trajtimin e qenve endacak përmes procesit KSVL dhe kanë filluar procedurat për ndërtimin e strehimores për qentë endacak.

“Me shqetesim kemi pare sot pamjet, ku nje qytetare e Prishtines sulmohet nga qenet endacak! Ne jemi te vetedijshem per problemin shume kompleks qe kemi para vetes, dhe ne kete drejtim kemi ndermarre disa hapa, si trajtimi i qeneve endacak permes procesit së kapjes, sterilizimit, vaksinimit dhe lëshimit (KSVL), dhe hapjes se nje numri te madh te pikave ushqyese per qenet endacak”.

“Gjithashtu, po punojme dhe kemi filluar procedurat per ndertimin e strehimores per qentë endacak”, ka thënë nënkryetari Zogaj për RTV Dukagjini.

Ndryshe kryetari i Prishtinës, Përparim Rama, në fillim të këtij muaji ka njoftuar se janë hapur 18 pika të reja ushqyese për qentë endacakë në kryeqytet dhe totali i tyre ka shkuar në 23.

Rama ka thënë se vendimi për të hapur pika ushqyese në zona të ndryshme të Prishtinës është marrë në bazë të studimeve, që, sipas tij, kanë treguar se i ndalin sulmet ndaj njerëzve.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika