Një protestë për votimin e projektligjit për tërheqjen e 30 përqindëshit të Trustit, do të mbahet të shtunën.
E planifikuar të nisë nga ora 10:30, nisja e protestës do të bëhet nga Biblioteka Kombëtare deri te ndërtesa e Qeverisë së Kosovës.
“Zgjedhjet vijnë prapë, ti do të dënohesh”, “Unë të votova ty, ti voto Trustin”, “Trusti është i joni, jo i qeverisë”, “Po rrezikohet mirëqenia, duam kursimet tona”, “Kursimet janë për ditë të vështira, ato ditë kanë ardhur”.
Këto ishin disa nga thirrjet e qytetarëve që kishin protestuar pro tërheqjes së kursimeve pensionale më 16 qershor të këtij viti, protestë kjo e organizuar nga grupi “Pro tërheqjes së 30 për qind të Trustit”.
Thirrjes së këtij grupi i ishte bashkuar edhe Sindikata e Re e KEK-ut, në krye me Nexhat Llumnicën.
Ndërkaq, më 23 qershor të këtij viti, Kuvendi i Kosovës nuk e ka miratuar nismën e Partisë Demokratike të Kosovës, për tërheqjen e kursimeve nga Trusti Pensional.
Me 44 vota për, 57 kundër dhe vetëm një abstenim, projektligji për Trustin nuk i ka marrë votat e mjaftueshme për miratim në lexim të parë nga deputetët e Kuvendit të Kosovës.
Protestuesit bëjnë thirrje: Trusti është i joni, jo i qeverisë