Telekomi i Kosovës jep sqarime lidhur me problemet në rrjetin “Vala”

Telekomi i Kosovës ka sqaruar problemet e krijuara në rrjetin ‘Vala’, duke i njoftuar klientët se ato kanë ardhur për shkak të procesit të migrimit të platformës dhe zbatimit të kodit shtetëror mobil

Foto ilustrim

Telekomi i Kosovës ka publikuar një sqarim për problemet që nga mbrëmja e së mërkurës në rrjetin e ‘Vala’, duke njoftuar klientët se kanë qenë shkak i procesit të migrimit të platformave dhe implementimit të kodit shtetëror mobil.

Megjithatë, sipas njoftimit zyrtar, ky proces ka sjellë nevojën për rikyçjen e telefonave në rrjet për shkak të ndryshimit të kodit nga ai i Monakos në atë të Kosovës.

Ndërkaq, fluksi i madh i rikyçjeve me kodin e ri ka shkaktuar ngarkesë në rrjet, duke çuar në disa konsumatorë të palokalizuar.

“Është përfunduar migrimi i Databazës së Konsumatorëve mobil. Ditëve në vijim, do të vazhdohet me platformat e tjera të teknologjisë së fundit. Si rezultat i këtij migrimi dhe ndryshimit të kodit të Monakos me atë të Kosovës, nevojitet rikyçja e telefonave në rrjet. Fluksi tepër i madh i rikyçjeve me kodin e ri ka shkaktuar ngarkesë në rrjet, dhe me këtë rast disa konsumatorë kanë mbetur të palokalizuar”, thuhet në njoftim.

Nëpërmjet njoftimit të tyre, Telekomi i Kosovës i bën thirrje konsumatorëve për mirëkuptim dhe durim gjatë kësaj periudhe, duke informuar se për shkak të ngarkesës momentale, operatorët në Qendrën e Thirrjeve dhe rrjetet sociale mund të mos mund t’u përgjigjen menjëherë.

 

Shija e redaktorit

Plenkoviq: S’pyesim as Serbinë, as NATO-n për marrëveshje me Kosovën...

Kryeministri i Kroacisë, Andrej Plenkoviq, ka deklaruar se marrëveshja e fundit ushtarake mes Kroacisë, Shqipërisë dhe Kosovës nuk kërkon miratimin e Serbisë apo NATO-s,...

26 vjet nga nënshkrimi i Marrëveshjes në Paris

Sot bëhen 26 vjet që nga dështimi i arritjes së ndonjë marrëveshje në mes Kosovës dhe Serbisë në Paris. Delegacioni kosovar dhe ai serb...

Nënshkruhet Deklarata për aleancë ushtarake mes Kosovës, Shqipërisë dhe Kroacisë

Në Tiranë, Shqipëria, Kroacia dhe Kosova nënshkruan Deklaratën e Përbashkët të Bashkëpunimit në Fushën e Mbrojtjes që thekson angazhimin e tri shteteve për forcimin...

Të fundit nga rubrika