Telekomi kërkon kthimin e 30 milionë eurove nga kompania Dardafon

Telekomi i Kosovës, ka kërkuar kthimin e tridhjetë milionë eurove nga kompania Dardafon.net

Përmes një komunikate për media, të martën, kanë bërë të ditur se këtë kërkesë e kanë bërë te Prokurori i Shtetit, për të marrë masa të menjëhershme për ngrirjen e mjeteve në llogaritë e Dardafon-it, dhe ato t’i kthehen Telekomit deri në një vendim tjetër përfundimtar të gjykatave të Kosovës.

Po ashtu, kërkesë tjetër e Telekomit ishte gjurmimi i mjeteve, në rast se kompania Dardafon nuk i ka ato në llogarinë e saj, duke e shfaqur kështu shqetësimin se tridhjetëmilionët mund të transferohen jashtë shtetit.

“Siç është njoftuar opinioni, tashmë, Gjykata e Apelit, bazuar në Aktgjykimin e Gjykatës Kushtetuese, e ka konfirmuar se Telekomi i Kosovës sh.a. ka qenë subjekt i një procedure gjyqësore të kundërligjshme dhe me shkelje serioze procedurale dhe materiale, e cila e ka favorizuar Dardafon LLC në dëm të Telekomit të Kosovës sh.a.”, thuhet në komunikatën e Telekomit të Kosovës.

Në komunikatë thuhet se mjetet e marra nga kompania Dardafon, e kanë dëmtuar Telekomin e Kosovës financiarisht, duke e bërë të vështirë, siç kanë thënë, t’i kryejë operimet ditore të kompanisë.

Gjithashtu, kanë shtuar se Telekomi ka paguar miliona euro më shumë sesa është detyruar nga vendimi i arbitrazhit.

“Në bazë të kalkulimeve të deritashme, Telekomi i Kosovës sh.a. ka paguar miliona euro më shumë sesa shuma maksimale që Telekomi i detyrohet Dardafon-it, në bazë të vendimit të Arbitrazhit No.20990/MHM”, thuhet në komunikatë.

Në fund, kanë bërë të ditur se do t’i ndjekin të gjitha rrugët ligjore për t’i kthyer, siç kanë thënë, të gjitha mjetet që i janë marrë Telekomit të Kosovës në mënyrë të paligjshme.

Telekomi i Kosovës, kishte humbur rastin në Gjykatën e Arbitrazhit, për mosvazhdimin e kontratës së kompanisë “Dardafon.net”. Arbitrazhi e kishte detyruar Telekomin t’i paguante dhjetë milionë e dyqind e shtatëdhjetë euro kompanisë së Dardafon-it.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika