Një person është arrestuar të premten, pasi ka tentuar ta keqpërdorë emrin e Agjencisë së Kosovës për Inteligjencë (AKI).
I dyshuari mosha e të cilit është 73 vjeç, sipas Policisë së Kosovës, ka tentuar ta mashtrojë një qytetarë tjetër, nga i cili ka kërkuar një shumë të parave në vlerë prej 2 mijë eurove.
I dyshuari i është paraqitur kinse ka kontakt me dy zyrtarë të AKI-së, të cilët do t’i kryenin favore viktimës.
“Veprimet e ndërmarra hetimore në grumbullimin e informacioneve në rrugë operative, kanë mundësuar që të arrestohet i dyshuari B. Gj. 73-vjeçar, shtetas i Republikës se Kosovës, i cili dyshohet se është takuar me ankuesin (viktimën), nga i cili ka kërkuar një shumë të parave në vlerë (2000 euro), kinse i dyshuari është në kontakt me dy zyrtarë të AKI –s, gjëja të njëjtit i kanë kërkuar që do t’ i kryejë shërbime në favor të viktimës”, thuhet në njoftimin e policisë.
Hetimet po zhvillohen në drejtim të veprës penale “Mashtrim në tentativë”.
I dyshuari pas intervistimit është liruar në procedurë të rregullt.