Nga Radavci i Pejës, vizitën e radhës do duhej ta kishin në Prekaz. Por, kjo nuk ndodhi.
Aty dolën në pritë një grup tifozësh e veteranë lufte të cilët kishin mësuar që në mesin e këtyre studentëve kishte edhe studentë serb. Sipas tyre ata nuk duhet të shkelin në vendin ku u shua Familja Jashari.
Kryetari i OVL-UÇK-së në Skenderaj, Emin Lati ka thënë se shteti serb fillimisht duhet të kërkoj falje.
“Këta studentët nuk kanë bo faj por prindët e tyre kanë bo krime, kanë bo masakra, kanë luftu nëpër Kosovë dhe pa kërku falje ata nuk duhet të vinë këtu”, ka thënë Emin Lati nga OVL-UÇK.
E drejtuesi i tifozëve “Shqiponjat e Zeza” dha disa sugjerime studentëve serb të cilët duan të dinë historinë e Kosovës.
“Historinë e kanë të mësume ata, me hi me lexu ku të duash shkruan se çka ka ndodhë në përgjegjësi në krejt Kosovën, ata prej fëmijë e din se çfarë krime kanë bërë këtu”, ka thënë për RTV Dukagjini njëri nga tifozët ‘Shqiponjat e Zeza”.
Televizioni jo zyrtarisht ka mësuar se ky grup nga Universiteti Veror i Prishtinës kanë anuluar vizitën për të mos provokuar situatën.
Por, siç mëson Dukagjini ata do të caktojnë një datë tjetër për vizitë.