Në raportin 24-orësh të Policisë së Kosovës raportohet për tre persona të zhdukur në raste të ndara.
Rasti i parë është në Pejë, ku një grua e ka raportuar të zhdukur motrën e saj dhe njësitet policore janë duke hetuar rastin.
“PERSON I ZHDUKUR – Rr. Hoxhë Tahsini, Pejë 20.10.2023-13:50. Me datë 21.10.2023 ankuesja kosovare ka raportuar se me datën e cekur motra e saj kosovare ka dalë nga shtëpia dhe nuk dihet vendndodhja e saj. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin policor.
Një burrë e ka raportuar të zhdukur djalin e tij në Gjakovë.
“PERSON I ZHDUKUR –Rr. Pashko Vasa, Gjakovë. 19.10.2023 – 14:00. Ankuesi mashkull kosovar ka informuar se djali i tij kosovar është larguar nga shtëpia dhe nuk është kthyer më. Rasti është duke u hetuar”, thuhet në raportin 24-orësh.
Ndërsa, në Leposaviq një grua e ka raportuar të zhdukur vajzën e saj.
“PERSON I ZHDUKUR – Leposaviq. 20.10.2023 – 05:00. Ankuesja kosovare ka informuar se vajza e saj është larguar nga shtëpia dhe nuk është kthyer më. Rasti është duke u hetuar”, ka njoftuar Policia në raportin 24-orësh.