Turqia ka pezulluar zbatimin e Traktatit për Forcat e Armatosura Konvencionale në Evropë (CFE), disa muaj pasi Rusia u tërhoq nga pakti dhe SHBA gjithashtu pezulloi zbatimin.
“Turqia nuk është tërhequr nga pakti, por ka pezulluar zbatimin e tij”,theksoi të premten në një deklaratë me shkrim zëdhënësi i Ministrisë së Jashtme turke, Oncu Keceli.
Rusia u tërhoq nga traktati nëntorin e kaluar dhe “si rezultat, nuk kishte asnjë mundësi për të vazhduar zbatimin kuptimplotë të traktatit,” tha Keceli.
Ai shtoi se pezullimi mund të anulohet.
“Në këtë drejtim është bërë një deklaratë nga Këshilli i NATO-s më 7 nëntor. Ne kemi bërë gjithashtu një deklaratë tjetër ku shpallim vendimin tonë me arsyetimet e tij. Data në të cilën do të hyjnë në fuqi vendimet e aleatëve të NATO-s për pezullimin e zbatimit të traktatit është të përcaktuara nga secili aleat brenda kuadrit të legjislacionit të tyre kombëtar,” shpjegoi ai.
“Aktualisht, vendimi për pezullimin e zbatimit të traktatit nga shumica e aleatëve të NATO-s që janë palë në CFE ka hyrë në fuqi. Procesi i brendshëm ligjor për pezullimin e zbatimit tonë të CFE-së ka përfunduar për të hyrë në fuqi që nga 8 prilli. 2024, dhe dekreti i Presidentit për këtë çështje është publikuar në Fletoren Zyrtare të datës 5 Prill 2024”, tha Keceli.
Në 1999, një traktat i përditësuar CFE u hartua dhe u miratua në Stamboll, duke marrë parasysh realitete të reja si shpërbërja e Paktit të Varshavës dhe zgjerimi i NATO-s./TRT.