Universiteti i Prishtinës “Hasan Prishtina” ka shpallur konkursin plotësues për dy mijë e 144 vende të lira për studentë të rinj në nivelin e studimeve bachelor.
Sipas konkursit publik, aplikimi fillon të premten e 9 shtatorit dhe zgjat deri më datën 16 të këtij muaji.
“UP-ja e shpall të hapur konkursin plotësues për pranimin e studentëve të rinj në vitin e parë të studimeve themelore për vitin akademik 2022-23. 2144 studentë të rregullt parashihen të regjistrohen në UP, në këtë afat të dytë të konkursit. Aplikimi nis nga sot dhe do të jetë i hapur deri më datë 16 shtator 2022”, thuhet në njoftim.
Aplikimi në platformën online http://apliko.uni-pr.edu dhe dorëzimi i dokumentacionit fizik nis nga 8 shtator 2022 dhe zgjat deri më datë 16 shtator 2022, në orën 16.00.
Konkursin e plotë e gjeni duke klikuar KËTU.