Ushtria amerikane dhe kanadeze rrëzuan një objekt të ri të paidentifikuar

Ushtria amerikane dhe kanadeze kanë rrëzuar një objekt të ri të paidentifikuar. Ky është objekti i tretë që rrëzohet mbi Amerikën e Veriut në javën e fundit

Kanadaja tha se një aeroplan ushtarak amerikan F-22, i parë këtu në një fotografi arkivore, e rrëzoi objektin. Foto: BBC

Kryeministri kanadez, Justin Trudeau, ka konfirmuar se është rrëzuar dhe një objekt tjetër i paidentifikuar mbi hapësirën ajrore të Amerikës së Veriut nga ushtria amerikane dhe kanadeze.

Kryeministri kanadez ka thënë se objekti i fundit “shkel hapësirën ajrore kanadeze” dhe u rrëzua mbi Yukon në veriperëndim të Kanadasë.

Të dy avionët kanadezë dhe amerikanë u përpoqën për të gjurmuar objektin, për të cilin, Trudeau thotë se ishte nxjerrë nga një avion luftarak amerikan F-22.

Ky është objekti i tretë që rrëzohet mbi Amerikën e Veriut në javën e fundit.

Ushtria amerikane shkatërroi një tullumbace kineze fundjavën e kaluar, kurse, të premten, një objekt i paspecifikuar në madhësinë e një makine të vogël u rrëzua në Alaskë.

Trudeau ka konfirmuar të shtunën se ai dha urdhrin dhe kishte biseduar me presidentin amerikan, Joe Biden.

“Forcat kanadeze tani do të rimarrin dhe analizojnë rrënojat e objektit”, ka shkruar ai në Twitter.

Objekti i fundit i paspecifikuar po fluturonte mbi Jukon qendrore në rreth 12 mijë metra dhe u kap rreth orës 15:41 me orën lokale të së shtunës, u tha gazetarëve ministrja e Mbrojtjes, Anita Anand.

Ajo e përshkroi atë si “të vogël” dhe “cilindrike”, por se përpjekjet për rikuperim janë ende duke u kryer për të zbuluar më shumë detaje. BBC

 

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika