Avokati serb Çedomir Stojkoviq ka reaguar lidhur me ceremoninë e varrimit të Ratko Mlladiqit, të dënuarit për gjenocid dhe krime lufte, duke kritikuar përfshirjen e Ushtrisë së Serbisë në ceremoninë mortore.
Stojkoviq ka publikuar një fotografi nga ceremonia në Beograd, ku shihet një tog nderi i Ushtrisë së Serbisë duke bërë rojë ceremoniale pranë arkivolit ku ndodhet trupi i Mlladiqit.
“Një tog nderi i Ushtrisë së Serbisë gjatë ceremonisë mortore po bën rojë ceremoniale pranë arkivolit në të cilin ndodhet trupi i Ratko Mlladiqit, të dënuarit për gjenocid”, ka shkruar ai.
Më tej, avokati ka theksuar se komandanti suprem i Ushtrisë së Serbisë është presidenti i Serbisë, Aleksandar Vuçiq.
Ratko Mlladiqi ishte dënuar me burgim të përjetshëm nga gjykata e Hagës për gjenocid në Srebrenicë, krime kundër njerëzimit dhe shkelje të ligjeve dhe zakoneve të luftës.
Počasni vod Vojske Srbije tokom opela daje svečanu stražu kovčegu u kom je telo Ratka Mladića, osuđenika za genocid.
Vrhovni komandant Vojske Srbije je Aleksandar Vučić lično.
Beograd, 7. septembar 2026.
Pre podne. pic.twitter.com/g2P2iRRN0N— Advokat Čedomir STOJKOVIĆ (@FIGHT_4_RIGHT_S) September 7, 2026