Sot janë bërë 25 vjet nga rënia e luftëtarit dhe heroit Agim Ramadani, i cili gjatë luftës u dëshmua si strateg i lartë dhe udhëheqës i dashur për ushtarët. Ai ishte njëri ndër hartuesit e planit për thyerjen e kufirit shqiptaro-shqiptar, gjë të cilën e bëri bashkë me shokët.
Gruaja e Heroit, Agim Ramadani, Shukrije Ramadani, ka thurur vargje poetike në 25-të vjetorin e rënies së tij në altarin e lirisë. Këto vargje janë publikuar në profilin e saj në rrjetin social “Facebook”.
Postimi i plotë:
“Në përvjetorin tënd të 25
Murana jote jam unë
Rrobat ti palova si dhimbjet e mia,
me lot ti pastrova e gjakun me u tha se lash
Si dritën e syrit, buzëqeshjen ne raftin e shpirtit e ruajta!
Pa lule asnji herë stê erdha,
e fjalën dy sta bana kurrë,
se si nuse t’fisme e të besës më dashte!
Te dy lisat e kronit qerpiku më dridhet
si teli i qiftelisë e zëri yt i ëmbël n’gurgullimë uji përzihet,
trupi më mpihet nga pesha e krahut në belin tim.
Era luan me pemët e harlisura e gishterinjë lehtas t’ngatërrohen në flokët e mia plot petale.
Me duart që mi puthje aq shpesh, sot , zgjedhi lule për varrin tënd!
Shpejt mbuloj tokën që mos ta shoh dheun që gjakun ta thithi ma unshëm se unê dashninë!
Me angushti zemre në heshtje këlthas; Ngrihu trimi jem,se bajlozi i zi ende sillet truallit tonë!
Zgjohu,se petka të ngushta po i priten atdheut, eja këtej kah ende tërbueshëm kalërojnë stuhitë!