Komisioneri për Zgjerimin dhe Fqinjësinë e mirë pranë Bashkimit Evropian, Oliver Varhelyi, e ka nisur vizitën e tij në Tiranë, me takimin e anëtarëve nga institucionet e vettingut.
Në një postim në Twitter, Varhelyi ka rikonfirmuar mbështetjen e plotë dhe të fortë të BE-së për reformën në drejtësi.
“E nisa vizitën time me një shkëmbim të mirë me institucionet e vettingut sot në Tiranë. Rikonfirmova mbështetjen e plotë dhe të fortë të BE-së. Integriteti i gjyqtarëve dhe prokurorëve është çelësi për të ardhmen e Shqipërisë në Bashkimin Evropian. Sulmi ndaj organeve të vettingut dhe anëtarëve apo familjeve të tyre duhet të ndalet”, ka shkruar ai.
I started my visit with a good exchange w/ the #vetting institutions & #IMO in Tirana today. Reconfirmed EU’s full & strong support. Integrity of judges & prosecutors is key to future of 🇦🇱 in the 🇪🇺. Attacking vetting bodies and their members or their families must stop! pic.twitter.com/cbG1BcXlr7
— Oliver Varhelyi (@OliverVarhelyi) April 28, 2022
Pas kësaj vizite, funksionari i lartë i BE-së iu drejtua edhe Qytetit Studenti, ku promovoi nismën më të fundit të bashkësisë evropiane, për të rikonstruktuar godinat e konvikteve.
“Një shembull i përsosur se si përmes Partneritetit Evropian të Inovacionit (EIP), mund të bëjmë një ndryshim. 19 konvikte studentore me efikasitet energjetik do të renovohen nga BE. Studentët shqiptarë do të gëzojnë kushte më të mira jetese. Duke i uruar suksese në studimet e tyre!”, ka thënë Varhelyi në Twitter.
Delighted to visit Tirana’s Qyteti Studenti. A perfect example how through the #EIP we can make a difference. 19 energy efficient student dormatories will be renovated by 🇪🇺. 🇦🇱 students will enjoy better living conditions. Wishing them great success in their studies! pic.twitter.com/1RG8kXgX50
— Oliver Varhelyi (@OliverVarhelyi) April 28, 2022
Vizita e tij në Tiranë vjen pas një sërë takimesh që ai ka zhvilluar në Ballkanin Perëndimor.
Ai pritet të takohet me kryeministrin e Shqipërisë, Edi Rama.
Pas takimit, rreth orës 14:30, pritet edhe një konferencë e përbashkët.