Raporti i Qendrës Kombëtare për Menaxhim Kufitar ka bërë të ditur paraditen e së shtunës së 7 janarit, qytetarët që duan të dalin nga Kosova, veçanërisht, nga pikat kufitare në Merdar dhe te Dheu i Bardhë, duhet të presin përafërsisht deri në katër orë.
Ky raport ka bërë të ditur se pritjet për dalje nga të dyjat pikat kufitare zgjasin 180 deri në 240 minuta.
Ndërkaq, sa i përket kolonave për dalje nga Kosova nga raporti i Qendrës Kombëtare për Menaxhim Kufitar, është bërë e ditur se janë afro 3000 metra në të dyja pikat kufitare.
Ndërsa, në pikën kufitare në Multivodë, pritjet janë deri në dy orë, teksa në vendet e tjera situata është më e qetë.
