Seanca plenare e Kuvendit të Kosovës do të vazhdojë edhe të premten me debatim për punën dyvjeçare të Qeverisë së Kosovës, kryesuar nga kryeministri Albin Kurti.
Ajo pritet të nisë nga ora 13:00 në Kuvendit e Kosovës.
Ndonëse pozita lavdëroi Qeverinë për punën dyvjeçare të saj, kjo e fundit priti kritika të shumta nga opozita për mospërmbushjen e premtimeve të tyre.
Në seancën e sotme në rend dite do të jenë:
-shqyrtimi i dytë i Projektligjit për Agjencinë e Kosovës për Akreditim,
-shqyrtimi i dytë i Projektligjit për sanksionet e shёnjestruara kundër shkelësve të huaj të drejtave të njeriut,
-shqyrtimi i dytë i Projektligjit për ndryshimin dhe plotësimin e Ligjit për energjinë,
-shqyrtimi i parë i Projektligjit për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore,
-shqyrtimi i parë i Projektligjit për çmimin e produkteve medicinale,
-shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit