Policia e Kosovës ka nisur hetimet për vdekjen e një personi në komunën e Klinës.
Në raportin e policisë thuhet se viktima është gjetur pa shenja jete në një banesë.
Tutje, në raportin e policisë thuhet se viktima është e gjinisë femërore, ndërsa me vendim të prokurorit, trupi i pajetë është dërguar në IML për obduksion.
“Është raportuar se në një banesë një person dyshohet se është pa shenja jete. Njësitë policore së bashku me njësitin e Qendrës se Mjekësisë Familjare kanë dalur ne vendin e ngjarjes, ku ekipi mjekësor ka konstatuar se viktima femër kosovare është pa shenja jete. Në vendin e ngjarjes po ashtu ka dal edhe prokurori i shtetit me urdhër të së cilit trupi i pa jetë i viktimës është dërguar në IML për obduksion”, vijon në raport të policisë.
Policia është duke e hetuar rastin.