Ka vdekur një fëmijë në QKUK, i cili ishte i shtrirë në Intensivën Qendrore nga 12 shtatori i këtij viti.
Sipas policisë, ai ishte rrëzuar më herët, por se rasti nuk ishte paraqitur në polici.
Rasti është duke u hetuar.
“Fsh. Strovc, Vushtrri,19.09.2023-21:22. Nga QKUK jemi njoftuar se në Intensiven Qendrore kishte ndërruar jetë një fëmijë i gjinisë mashkullore i cili kishte qenë i shtrirë nga data 12.09.2023. Dyshohet se viktima e lartcekur më herët ishte rrezuar dhe rasti nuk ishte raportuar në polici. Rasti është duke u hetuar”, thuhet në njoftim.
Ndërsa një person i mitur është gjetur pa shenja jetë në Ferizaj.
Siç njofton policia, trupi i viktimës është dërguar në IML për obduksion.
“Rr. Imri Neziri, Ferizaj 19.09.2023-16:46. Viktima mashkull kosovar i mitur është gjetur pa shenja jeta. Me vendim të prokurorit, trupi i pajetë i viktimës është dërguar në IML për obduksion. Lidhur me rastin është informuar e konsultuar edhe prokurori”, thuhet në raportin e PK-së.