Kryetari i Tiranës, Erion Veliaj, ka thënë se është çështje kohe kur Shqipëria dhe Kosova të bëhen një.
Ai për emisionin “Radar” në RTV Dukagjini ka thënë se ka kujtime shumë të mira në Kosovë.
“Unë i kam parë gjithmonë bashkë. Besoj është vetëm çështje e kohe t’i shohim bashkë në Evropë. Kam ndoshta kujtimet më të mira si njëzetvjeçar kur i kam mbushur në Kosovë, në Prishtinë, në mahallë të Muhaxherëve”, ka thënë Veliaj.
Veliaj, në fund u shpreh se “jam ndoshta kryetar pak më i mirë i Tiranës, sepse kam jetuar në Prishtinë”.
Ai ka thënë se vetëm shqiptarët mund ta pengojnë suksesin, duke theksuar “Kosova është e lirë dhe e pavarur, e Shqipëria e lirë dhe e pavarur, vetëm ne mund ta pengojmë suksesin”.