Vuçiq për Radojçiqin: Do të përballet me procedura serioze në Serbi

Presidenti i Serbisë, Aleksandër Vuçiq, ka thënë se ish-nënkryetari i Listës Serbe, Milan Radoiçiq, do të përballet “me procedura serioze në Serbi”, pas lëshimit të fletarrestimit nga INTERPOL

Presidenti i Serbisë, Aleksandër Vuçiq

Presidenti i Serbisë, Aleksandër Vuçiq, ka thënë se ish-nënkryetari i Listës Serbe, Milan Radoiçiq, do të përballet “me procedura serioze në Serbi”.

Organizata ndërkombëtare e policisë, INTERPOL, lëshoi fletarrestim për ish-nënkryetarin e Listës Serbe, Millan Radoiçiq, në lidhje me sulmin e armatosur në Banjskë – pjesa veriore e Kosovës.

“Nuk jam person që dua t’i shqetësoj njerëzit kur ata kalojnë periudhë të vështirë, por e di se sa të provokuar kanë qenë serbët. Ai do të përballet me procedura serioze në Serbi. Natyrisht e gjithë kjo e vështirëson në mënyrë dramatike pozitën e Serbisë dhe nëse nuk do të kishim zgjedhje do të tregoja me disa detaje se sa probleme i solli realisht vendit”, tha Vuçiq.

Në një intervistë për “NIN”, Vuçiq ka thënë se Serbia ka “reaguar në mënyrë diplomatike gjatë gjithë kohës”.

“Edhe pas asaj që ndodhi në Banjskë, ishte e qartë se kush është në anën e tyre, e kush kishte pritur me padurim të ndodhte diçka e tillë. Ne nuk hoqëm dorë nga tabelat KM, por s’mund t’u them njerëzve se ne ua ndalojmë të marrin tabela tjera. Përndryshe mendoj se është dashur të pranohen të gjitha tabelat nga të gjithë, por Prishtina nuk deshi”, tha Vuçiq.

Fletarrestimi është lëshuar me ndërmjetësimin e misionit të Kombeve të Bashkuara në Kosovë, UNMIK, në bazë të kërkesës së Ministrisë së Punëve të Brendshme të Kosovës.

Radoiçiq mori përgjegjësinë për sulmin e 24 shtatorit në Banjskë të Zveçanit, ku grupe të armatosura serbësh sulmuan policinë e Kosovës, duke vrarë rreshterin Afrim Bunjaku.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika