Ish i burgosuri politik, Bajrush Xhemajli, ka rrëfyer ekskluzivisht në “Debat Plus” të Televizionit Dukagjini për torturat çnjerëzore të shkaktuar nga disa shqiptarë që ishin pjesë e Drejtorisë/Agjencisë së Sigurimit Shtetëror, e njohur si UDB.
Xhemaili tha se fillimisht në prangat e UDB-ashve ka rënë më 14 dhjetor të vitit 1982. Por, atë kohë nuk ishte e para, pasi në vitin 1979 ishte arrestuar bashkë me vëllain e tij Emrushin bashkë me disa pjesëtarë si grup.
Xhemaili ka përmbledhur punën e tij atë kohë si “veprimtari e fshehtë për liri dhe pavarësi si arsyeje kryesore e arrestimit të tij nga disa shqiptarë kundër shqiptarëve.
“Më 14 dhjetor 1982 kam rënë në pranga, kam qenë edhe më parë ngapak 1979, Emrushi, tri vite më I vogël se unë. Ai është arrestuar bashkë me një grup, isha edhe unë aty, nuk më treguan. Unë e vazhdova me veprimet. Asaj organizate i ka prirë Imer Grainca, Emrushi dhe Xhafer Morina është dënuar.
Shaban Isufi, Fatmir dhe Sylë Bytyqi, Halil Selimi e vazhduam barren.
Një vit më vonë u zgjerua organizata, u kthye nga ushtria Mustafa me Rrahimin , Mexhid Salihu. U fuqizuam edhe në kuptimin e mendjes. U bashkuam edhe me organizatën ArbaniKos, të Emin Krasniqit, profesor nga Kamenica. Një organizatë e respektuar atdhetare.
Me formimin e Lëvizjes Për Çlirimin Kombëtar të Kosovës u krijuan platforma, programi, statutin dhe planin aksionar dhe vazhduam të punojmë. Këtë situatë na gjetën demonstratat e 1981. Kemi marrë pjesë në demonstrate dhe material propagandastike.
Kemi bërë përgatitje shumë të fuqishme për të vazhduar organet e lirisë, pasi që ranë organizatat e tjera. Rëmbyem të fotokopjojmë. Qeto momente kanë ranë gjurmë dhe më arrestuan”, rrëfeu Xhemajli.