Zelenskyy flet për gjendjen e të ngujuarve në Azovstal

Zelenskyy ka deklaruar se zyrtarët ukrainas po përpiqen të evakuuojnë forcat ushtarake, të cilët kanë mbetur në fabrikën e Azovstalit, të ngujuar në strehimore të thella nëntokësore dhe tunele

Presidenti ukrainas, Volodymyr Zelenskyy, përmes një videoje, ka thënë se po vazhdojnë përpjekjet për të shpëtuar të plagosurit dhe stafin mjekësor nga fabrika e rrethuar e çelikut Azovstal në Mariupol, pasi evakuuimi i të gjithë civilëve ka përfunduar të shtunën.

Sipas tij, zyrtarët ukrainas po përpiqen gjithashtu të evakuuojnë forcat ushtarake që kanë mbetur në fabrikë, të ngujuar në strehimore të thella nëntokësore dhe tunele, me shumë pak ushqim, ujë dhe furnizime mjekësore.

Por, ai ka pranuar se kjo ishte “jashtëzakonisht e vështirë”.

Zona industriale është bërë një simbol i rezistencës ukrainase, në një qytet që tani është pothuajse tërësisht i pushtuar dhe i shkatërruar nga rusët.

“Familjarët e luftëtarëve presin me dëshpërim një plan për shpëtimin e tyre të sigurt”, është shprehur ai.

Zyrtarët ukrainas kanë frikë se Rusia mund t’i shtojë sulmet përpara Ditës së Fitores së Rusisë, për të shënuar fitoren mbi Gjermaninë naziste në Luftën e Dytë Botërore, të hënën.

Rusia ka thënë se luftëtarët ukrainas duhet t’i dorëzojnë armët e tyre, por një gjë e tillë është kundërshtuar nga ta.

Më 6 maj, qindra civilë janë evakuuar nga uzina Azovstal, nga operacionet e shpëtimit të udhëhequra nga OKB-ja.

Ndërkaq, të dielën shënon dita e 75-të e agresionit rus në Ukrainë.

 

Rreth 500 civilë janë evakuuar nga uzina Azovstal në Mariupol

Shija e redaktorit

Gjermania i dhuron automjete FSK-së

Republika Federale e Gjermanisë do të dhurojë automjete për Forcën e Sigurisë së Kosovës. Sipas njoftimit të Ministrisë së Mbrojtjes, ceremonia e pranim-dorëzimit të donacionit...

Ipeshkvi Dodë Gjergji uron Myftiun Tërnava për Fitër Bajram

Bashkësinë Islame të Kosovës(BIK) e ka vizituar Dodë Gjergji nga Ipeshkvia e Kosovës. Me rastin e Fitër Bajramit, ai ka uruar Myftiun Naim Tërnava dhe...

(Video) “The Telegraph” tregon se si Policia e Kosovës mbron...

Përpara se policia kosovare të fillojë patrullimin e saj në kufirin me Serbinë, ata e ngarkojnë makinën me armatim, AK-47 janë të ngjitura në...

Të fundit nga rubrika