Zëdhënësi i Qeverisë së Kosovës, Përparim Kryeziu, ka thënë se Radojica Radomiroviq, zëvendësministër në Qeverinë e Kurti s’ka qenë i përfshirë në operacione luftarake gjatë luftës në Kosovë.
Gjatë ditës së diel gazeta “Nacionale” ka raportuar se përmes burimeve ka pranuar informacione se “Radomiroviq ‘ka qenë pjesë e armatës serbo-jugosllave gjatë kohës së luftës në Kosovë’ por edhe në ato në mbarë ish-Jugosllavinë kur Sllobodan Millosheviqi kishte shtënë në dorë tërë armatën jugosllave (JNA) për të kryer agresion, spastrim etnik e deri edhe në gjenocid, ndaj vendeve përbërëse të ish-Jugosllavisë – ndërmarrje kriminale këto që konkluzionin e gjetën në bombardimin e Serbisë nga (asokohe) 19 shtete të NATO-s”.
Më tej, Kryeiu, ka theksuar se Radomiroviq ka bartur pozitën e kontabilistit në administratë si staf civil.
“Institucionet tona kanë verifikuar të gjitha të dhënat duke konfirmuar që ai nuk ka qenë i përfshirë në operacione ushtarake apo të ngjashme gjatë luftës në Kosovë. Ai ka bartur pozitën e kontabilistit në administratë si staf civil”, ka thënë Kryeziu për RTV Dukagjinin.