Sekretari i Biznesit në Mbret⌂rinë e Bashkuar, Kwasi Kwarteng, ka konfirmuar se një qeveri e udhëhequr nga Liz Truss do të merrte më shumë hua për të ndihmuar njerëzit në ato që ai i quajti “kohë jashtëzakonisht të vështira” këtë dimër, ndërsa çmimet e energjisë rriten.
Kwarteng ka thënë se duke pasur parasysh ashpërsinë e krizës me të cilën përballen, do të duhet të ketë një lehtësim fiskal për të ndihmuar njerëzit gjatë këtij dimri.
Sekretari i Biznesit ka kërkuar të sigurojë tregjet se Mbretëria e Madhe ka hapësirë për të marrë më shumë hua dhe se kjo do të bëhet në një “mënyrë të përgjegjshme fiskale”, ndërsa shtoi se fokusi do të jetë në “zhbllokimin e investimeve dhe rritjes”.
“Parashikimet nuk janë fati. Muajt e ardhshëm do të jenë të vështirë, nuk ka dyshim”, shkruan Kwasi Kwarteng.
Sekretari i Biznesit në Mbretërinë e Bashkuar ka shtuar se një qeveri Truss ka planin e duhur për të udhëhequr vendin përmes stuhisë dhe për të nxitur perspektivat e tyre në afat të gjatë dhe në një mënyrë të përgjegjshme, raporton BBC.
Sipas Kwarteng-it, Liz Truss do të refuzojë konsensusin e dështuar dhe do të ofrojë mundësi, prosperitet dhe shpresë për të ardhmen, për të vendosur ditët më të mira të Mbretërisë së Bashkuar përpara tyre.