Sot rreth orës 18:00 ka ndodhur një incident zjarri në rrugën “Afrim Loxha” në Prishtinë, saktësisht në shtëpinë e të moshuarve.
Zjarri tashmë është lokalizuar dhe deri më tani nuk ka të lënduar, derisa disa persona kanë kërkuar ndihmë mjekësore për shkak të vështërsimit të frymëmarrjes nga tymi.
Lajmin për Portalin Dukagjini e ka konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 18:00 kemi pranuar informatën për një incident zjarri në rrugën ‘Afrim Loxha’ në Prishtinë, saktësisht në shtëpinë e pleqëve. Në vendngjarje kanë dalë zjarrfikësit dhe policia, të cilët po merren me rastin. Zjarri është lokalizuar dhe bazuar në informatat e deritanishme, raportohet për persona që kanë kërkuar ndihmë për shkak të vështërsimit të frymarrjes nga tymi, nuk ka ndonjë person të lënduar”, ka thënë Ahmeti.