Ministria e Drejtësisë e Brazilit thotë se rreth 1200 njerëz u arrestuan dhe u dërguan në selinë e Policisë Federale në kryeqytetin e Brazilit, Brasilia, pasi pallatet qeveritare u sulmuan nga protestuesit të dielën.
Shumica e arrestimeve ndodhën përpara selisë së ushtrisë në Brasilia, ku mbështetësit e ish-presidentit Jair Bolsonaro, kishin kampuar që nga dhjetori, shkruan BBC.
Sipas policisë lokale, në operacion janë përdorur dhjetëra autobusë.
Të dielën në mbrëmje, ministri brazilian i Drejtësisë, Flavio Dino, tha se 200 persona ishin arrestuar në lidhje me aktet vandaliste në kryeqytetin e Brazilit. Ministri tha se 40 autobusë u kapën pasi u përdorën për të transportuar protestues nga rajonet e tjera të vendit për në Brasília.
Pas trazirave, Lula zotohet t’i ndëshkojë mbështetësit e Bolsonaro-s