Marshimin zgjodhën ta bëjnë në mënyrë të vecantë e me muzikë.
Pasi u mblodhën para komunës, zyrtarë të kësaj komune, qytetarë e mysafirë të shumtë u nisën në këmbë drejt varrezave të dëshmorëve të Malishevës, si një prej aktiviteteve të para për Ditën e Çlirimit.
Homazhet, nga këtu u vazhduan për tek dëshmorët e varrosur në Kleçkë, ku aty iu tha edhe këngës.
Pastaj, manifestimi qendror ishte vendosur tashmë në bulevardin e ri të komunës të përuruar mu këtë ditë me emrin e dëshmorit “Ibrahim Mazreku”
Aty u përjetua edhe intonimi i himnit kombëtar nga Arif Vlladi.
E fjalën e morri i pari i kësaj komune, Ekrem Kastrati.
Ekrem Kastrati, kryetar i Komunës së Mlaishevës ka thënë se “Sot me 24 vjetorin e çlirimit të qytetit tonë përvecç ndjejës së krenarisë ndjejmë edhe dhimbje që në këtë ditë nuk I kemi dëshmorët e kombit e shumë të zhdukur të cilët na përjetësuan ndjenjën e lirisë dhe përmes shkronjave të UÇK-së të cilat kanë qenë bartëse e luftës për liri e duke bërë realitet ëndrrën tonë që vendi ynë të jetë i lirë e i pavarur”.
Aty ishte edhe ai që kishte luftuar për pikërisht këtë vend, Fatmir Limaj apo Komandant Celiku, që në fjalimin e tij për kryefjalë kishte UÇK-në.
Fatmir Limaj, ish-luftëtar ka thënë se “UÇK-ja jo rastësisht e kishte bazën edhe qerdhën edhe të angazhimit njerëzor edhe atij material, çdo shtëpi e Llapushës ishte bashkuar për lirinë e Kosovës”.
Për këtë ditë, por edhe atë që u solli, u shprehën të gëzuar edhe qytetarët.
Rasim Hoti, qytetar ka thënë se “Unë jam i lumtur dhe shumë i kënaqur që është bërë përurimi i asfaltimit të kësaj rruge të Komunës së Malishevës e jam i kënaqur shumë”.
Në nderim të kësaj dite të rëndësishme për malishevasit, aty pati edhe mysafirë të shumtë nga vendi e Shqipëria.