Ministri i Mbrojtjes, Ejup Maqedonci, e ka përkujtuar 25 -vjetorin e masakrës në Rezallë të Skenderajt.
“Nga 5 prilli i vitit 1999 janë 98 familje që çdo ditë ndiejnë mungesën e tyre, e padyshim kjo masakër, si dhe shumë të tjera, mbetet e pashlyer në memorien tonë kolektive të gjenocidit të Serbisë në Kosovë”, ka shkruar Maqedonci.
Ministri është shprehur se tre të mbijetuarit e kësaj masakre janë dëshmi e gjallë e tmerrit të përjetuar, e njëkohësisht e forcës që populli ynë ka për t’u ringritur.
“Kthimi i trupave të të pagjeturve është misioni ynë e mospërsëritja e krimeve të tilla kundër njerëzimit është detyrë e çdo shteti proevropian që beson në vlera të demokracisë, në sovranitet të shteteve e në liri të njeriut”, ka shkruar tutje ministri i Mbrojtjes.
Ai ka shtuar se në përvjetore të tilla kujtojmë rëndësinë e paqes dhe boshllëkun që le mungesa e saj. “Lavdi gjithë martirëve!”.
Këtë 25-vjetor e kanë përkujtuar edhe krerët e shtetit, kryeministri i Kosovës, Albin Kurti, presidentja e vendit, Vjosa Osmani dhe kryeparlamentari, Glauk Konjufca.
Lexo më shumë: Kurti përkujton maskarën e Rezallës, u bën thirrje ndërkombëtarëve të kërkojnë drejtësi nga Serbia
Lexo më shumë: 25 vjet nga Masakra e Rezallës, Osmani: Sjellja e autorëve të krimit para drejtësisë është e domosdoshme
Lexo më shumë: Konjufca në 25-vjetorin e Masakrës së Rezallës: Rezalla është pjesë e dhimbjes sonë të madhe
Nga kjo masakër vetëm tre shqiptarë kanë shpëtuar të gjallë.
Lexo më shumë: 25 – vjet nga masakra e Rezallës
Kjo masakër konsiderohet si një ndër më të pamëshirshme gjatë luftës në Kosovë.