Kryetari i AAK-së, Ramush Haradinaj, ka reaguar lidhur me aksidentet që po ndodhin në vend.
Haradinaj u është drejtuar qytetarëve duke thënë se “Mos e humbni jetën dhe mos i merrni jetën askujt në komunikacion”.
“Me shqetësim dhe dhimbje të thellë po i përcjell lajmet për tragjeditë në komunikacion, të cilat rezultuan me humbje jete, fatkeqësisht. Apeloj te çdo pjesëmarrës në komunikacion për kujdes të shtuar dhe respektim të rregullave. Nuk është vetëm jeta juaj në lojë, por edhe jeta e të tjerëve!”, ka shkruar Haradinaj.
Kreu i AAK-së ka apeluar tek Policia e Kosovës që të jetë vigjilente dhe e pakompromis ndaj atyre që shkelin rregullat e komunikacionit dhe sigurinë.
“Bashkëndjejmë me familjet e viktimave, lutemi për shërim sa më të shpejtë të lënduarve!”.
Të shtunën e 16 shtatorit, brenda 5 orëve në Kosovë ndodhën tri aksidente të rënda, si pasojë e tyre vdiqën pesë persona.
Lexo dhe: 5 orë të zeza për Kosovën: Tri aksidente në Prishtinë, Pejë e Podujevë, 5 të vdekur
Aksidentet kanë ndodhur në Prishtinë, Pejë dhe Podujevë.