Ministria e Shëndetësisë e Maqedonisë së Veriut ka njoftuar se 152 pacientë po trajtohen në spitale për shkak të zjarrit që shpërtheu në klubin e natës së qytetit të Koçanit në orët e para të së dielës.
Ndërsa, 18 prej të lënduarve janë në gjendje kritike.
Në një postim në Facebook, Ministria e Shëndetësisë siguroi publikun se janë vënë në dispozicion të gjitha resurset për të siguruar kujdesin e nevojshëm për të lënduarit, dhe se shpëtimi i jetëve dhe ofrimi i kushteve të përshtatshme për rikuperim janë prioritet i ministrisë.
Si pasojë e zjarrit, deri tani janë raportuar 51 të vdekur.
Ngjarja ka ndodhur pas ndezjes së fishekzjarrëve në diskotekë, ku ndodheshin rreth 1500 persona.
Gjatë incidentit, në diskotekë po mbahej një koncert i një grupi të njohur muzikor nga Maqedonia e Veriut.