Ministria e Arsimit, Shkencës dhe Teknologjisë ka filluar punimet Konferenca e dytë vjetore e Arsimit të Lartë në Kosovë, e cila është organizuar nga Heras Plus. Temë e kësaj konference do të jetë “Përgjigje praktike ndaj debateve mbi monitorimin dhe vlerësimin e zbatimit të strategjive të universitetit”.
Gjatë kësaj Konference do të prezantohet edhe “Manuali për Monitorimin dhe Vlerësimin e Dokumenteve Strategjike në universitetet publike të Kosovës”.
“Ministrja e Arsimit, Shkencës, Tenologjisë dhe Inovacionit, Arbërie Nagavci theksoi se, reforma e Arsimit të Lartë është një ndër pesë shtyllat e Programit qeverisës 2021-2025 dhe Strategjisë së Arsimit 2022-2026, të dy këto dokumente të aprovuara nga Qeveria e Republikës së Kosovës”, thuhet në njoftimin e MAShTI-t.
Ministrja Nagavci ka cekur se është punuar shumë që Agjencia e Kosovës për Akreditim të rikthehet në familjen evropiane të agjencive për sigurimin e cilësisë dhe AKA tashmë ka fituar statusin e anëtares së asocuar të ENQA.
“Nagavci bëri të ditur se janë duke vazhduar përpjekjet për rikthim të plotë në ENQA dhe EQAR, duke i bindur këto dy asociacione të rëndësishme se AKA është vërtetë një agjenci e pavarur që siguron respektimin e plotë të kritereve të cilësisë dhe dëshmi e këtij përkushtimi është edhe procedimi në Kuvend i Projektligjit për AKA”, vijon njoftimi.
Katër fusha kryesore të veprimit në këtë sektor, Nagavci ka konsideruar përmirësimin e cilësisë, përmirësimin e financimit, ndërlidhjen e arsimit të lartë me tregun e punës dhe ndërkombëtarizimin e Arsimit të Lartë.