Josh Taylor, një emër i madh në peshën super të lehtë (nga e cila supozohet të largohet) dhe Tyson Fury, një yll me peshë të rëndë, janë vënë në piedestalin e dyshimeve për lidhje me krimin e organizuar.
Dy figura britanike të sportit akuzohen për një lidhje të mundshme me Klanin Kinahan, një organizatë, çmontimi i së cilës shpërblehet me 5.4 milionë dollarë nga Shtetet e Bashkuara të Amerikës.
Kinahanët janë të lidhur me trafikun e drogës, vrasjen dhe pastrimin e parave. Dy sportistët dyshohet të jenë pjesë e lidhjeve të saj në botën e sportit.
“Nëse negocion, je i lidhur në një rrjet kriminal”, ka thënë Drew Harris, një anëtar i policisë irlandeze.
Kush është lideri i klanit Kinahan?
Daniel Kinahan, promovues i njohur i luftimeve në Dublin dhe njëkohësisht bashkëthemelues i “MTK Global Agency”, përfaqëson emra të kësaj industrie siç është Fury. Megjithëse gangsteri irlandez u shkëput në vitin 2017, ka imazhe që dëshmojnë të kundërtën.
“Ai është një këshilltar i madh”, ka komentuar Taylor për Kinahan, gjersa ishte i përfaqësuar nga MTK Global.
Gjithashtu, nga vetë organizatat e boksit është shfaqur simpati për Kinahan. Mauricio Sulaiman, president i Këshillit Botëror të Boksit, kishhte thënë se ai po përmisonte jetën e boksierëve në mënyrë unike.
Megjithëse, Kinahan e cilëson si një komplot ndaj tij, BBC mendon se një lidhje mes klanit dhe këtij sporti është tashmë ekzistente.