Të dielën e 23 tetorit në Kosovë parashikohet të mbajë mot me diell dhe vranësira të pakta.
Era pritet të fryjë në drejtime të ndryshme me shpejtësi prej 17 deri në 39 km/h.
Temperaturat minimale do të sillen prej 5 deri në 10 gradë Celsius, ndërsa ato maksimale prej 20 deri në 24 gradë Celsius, njofton Meteo Kosova.
Ndryshe moti gjatë javës së kaluar ishte kryesisht me vranësira, intervale kohore me diell dhe reshje lokale shiu vende-vende.
Temperaturat minimale kanë lëvizur mes 4 dhe 9 gradë Celsius ndërsa ato maksimale prej 15 deri në 22 gradë Celsius.