Kryeministri i vendit, Albin Kurti, i ka dërguar letër urimi kryeministres së re të Italisë, Giorgia Meloni-t.
Në letrën e urimit, kryeministri Kurti thotë “që në emër të Qeverisë së Republikës së Kosovës të ju përcjell urimet më të përzemërta për emërimin tuaj si Kryeministre e Italisë” , duke shtuar se “Fitorja juaj afirmon besimin e popullit italian në udhëheqjen tuaj”.
“Italia dhe Kosova kanë një marrëdhënie të shkëlqyer. Partneriteti ynë i gjatë ka vazhduar të zgjerohet gjatë viteve. Ne angazhohemi në një bashkëpunim të gjerë dhe po eksplorojmë mundësi për bashkëpunim në fusha të reja dhe në ato në zhvillim, si zhvillimi i infrastrukturës, qytetet inteligjente dhe ekonomia, ka shkruar më tej kryeministri”, thuhet në njoftimin e Zyrës së Kryeministrisë.
Tutje, përmes kësaj letre, kryeministri Kurti është shprehur se duke u bazuar në këtë themel të fortë, ai ka besim se marrëdhëniet Itali-Kosovë do të vazhdojnë të forcohen gjithnjë e më shumë.