Zëdhënësi i BE-së, Peter Stano, ka njoftuar se të premten Përfaqësuesi i Lartë i Bashkimit Evropian (BE), Josep Borrell, do të takohet me kryeministrin Albin Kurti dhe presidentin e Serbisë, Aleksandër Vuçiq në takime të ndara në Paris.
“Për t’i vazhduar përpjekjet e BE-së për t’i ndihmuar Kosovën dhe Serbinë që të depërshkallëzojnë, të zbusin tensionet aktuale dhe të avancojnë dialogun e lehtësuar nga BE, Josep Borrell do të takohet me Albin Kurtin dhe Aleksandar Vuçiqin nesër në Paris në takime të ndara”, ka shkruar Stano në Twitter.
Kosovo/Serbia: To continue 🇪🇺 efforts to help 🇷🇸🇽🇰 to de-escalate,defuse current tensions and advance in EU facilitated Dialogue, @JosepBorrellF will meet with @albinkurti & @predsednikrs @avucic in Paris tomorrow in separate meetings.
— Peter Stano (@ExtSpoxEU) November 10, 2022
Për këtë takim ka folur edhe kryeministri Kurti në një videomesazh në rrjetin social Facebook, para nisjes për në Paris ku po merr pjesë në Forumin e Paqes.
Vlen të theksohet se ai ka treguar që pjesëmarrës në këtë Forum është edhe Vuçiq, gjersa ka shqyrtuar mundësinë e një takimi me të.
Kurti ka thënë se në Paris po shkon me dy propozime – një për kornizën e marrëveshjes dhe tjetri për propozimin franko-gjerman.
“I kemi dy propozime në tavolinë: ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne”, ka thënë Kurti.
Vuçiq kishte deklaruar se ka anuluar një mori vizitash, përfshirë atë në Katar për nisjen e Kupës së Botës në futboll, për shkak të situatës në vend”, ka shtuar ai, duke treguar se në plan është edhe një bisedë me presidentin e Francës, Emmanuel Macron.
Ndërkaq, kryeministri Kurti ka thënë se është i gatshëm të normalizojë marrëdhëniet me Serbinë, me theks të veçantë te njohja reciproke.