Udhëheqësi i Koresë së Veriut, Kim Jon Un ka kërcënuar se do të nisë një luftë bërthamore . Kërcënimi ai e bëri të premtën e 18 nëntorit gjatë monitorimit të lëshimit të një rakete ndërkontinentale (ICBM).
Deklarata e tij u lëshua pasi Shtetet e Bashkuara, Koreja e Jugut dhe Japonia forcuan bashkëpunimin e sigurisë mes kërcënimeve të Phenianit. Tre krerët e shteteve më parë nuk përjashtuan mundësinë e përdorimit të armëve bërthamore për të larguar kërcënimin e Koresë së Veriut.
Duke u përballur me kërcënimin e SHBA-ve, Kim u zotua gjithashtu se do të përdorë armë bërthamore.
ShBA siç shkruan CNN, do t’i kërkojë Kinës të ndihmojë ‘kontrollin’ e Koresë së Veriut në lidhje me raketat.
“(Pheniani) do të reagojë plotësisht ndaj armëve bërthamore dhe konfrontimit total në një shkallë të gjerë”, ka thënë Kim të premten.
Sipas raporteve të mediave të Koresë së Veriut, KCNA, lëshimi i ICBM i tipit Hëasong-17 demonstroi besueshmërinë e sistemit të ri kryesor të armëve strategjike.
“Kim Jong Un tha se erdhi për të konfirmuar edhe një herë se fuqia bërthamore e DPRK (Republika Popullore Demokratike e Koresë ose Koreja e Veriut) është për të kapërcyer kërcënimin bërthamor”, thuhet në raportin e mediave.
Raketa rrëshqet në një lartësi maksimale prej 6040 km dhe fluturon për 999 km. Raketa u ul me saktësi në një zonë të caktuar të Detit Lindor, ose Detit të Japonisë.
Vlen të theksohet, se të premten e 18 nëntorit Korea e Veriut ka lëshuar një raketë balistike ndërkontinentale (ICBM) me rreze të mjaftueshme për të goditur territorin e ShBA-së, ka thënë ministri i Mbrojtjes i Japonisë, Yasukazu Hamada.
ShBA-të e kanë dënuar nisjen, ndërsa Koreja e Jugut ka urdhëruar masa më të forta parandaluese kundër Veriut.