Mësimdhënësit në shkollat e vendit të premten në orën e tyre të parë me vendim të Ministrisë së Arsimit patën detyrë të ligjërojnë kundër dhunës ndaj grave.
Këtë nuk e përjetuan nxënësit e shkollës “Dardania” në Prishtinë sepse në këtë ditë burri ia vrau mësuesen.
Por, këtë mundësi e patën nxënësit e Gjimnazit “Ahmet Gashi”.
Aty u njoftuan për këtë dukuri e për format e të raportuarit.
Një nxënëse tregon për njohuritë e fituara.
“Dhuna është fenomen mjaft shqetësuese dhe në si të rinj duhet të mësohemi që këto raste gjithmonë t’i raportojmë në polici”, ka theksuar Bacaku.
Njëjtë është bërë edhe në hapësirat e shkollave të tjera të vendit.
Çfarë është ligjëruar dhe si e kanë pritur nxënësit e shkollave fillore tregon mësimdhënësja, Fitore Bytyqi.
“Nxënësit ishin mjaftë debatues, disa diskutuan në grupe, në formë të eseve e në formë të vizatimeve”, ka thënë ajo.
Ky aktivitet është organizuar në kuadër të fushatës vetëdijesuese “16 ditët e aktivizmit kundër dhunës në baza gjinore”.