Të hënën e pesë dhjetorit, presidenti i Këshillit Evropian, Charles Michel ka thënë se Bashkimi Evropian(BE) do të japë më shumë informacione mbi liberalizimin e vizave për Kosovën.
“Ne do të japim më shumë informacion të martën, por mund t’ju them se po bëhet përparim”, ka thënë Michel në një konferencë të përbashkët me kryeministrin e Sllovenisë, Robert Golob, para Samitit BE-Ballkani Perëndimor.
Michel ka shtuar se mund të shohin se hapa të rëndësishëm përpara janë bërë kohët e fundit.
“Nesër dëshirojmë të kemi një deklaratë të përbashkët që do ta afrojë Ballkanin Perëndimor edhe më pranë Bashkimit Evropian”, ka shtuar Michel.
Ahead of our EU-Western Balkans summit tomorrow, I met with 🇸🇮 Prime Minister Robert Golob in Ljubljana.
Watch the press conference following our meeting ⬇️ https://t.co/JgXnWEzNvo
— Charles Michel (@CharlesMichel) December 5, 2022
Mes tjerash, gjatë javës së kaluar, ambasadorët e shteteve anëtare të BE-së kanë rënë dakord për t’i dhënë dritë jeshile bisedimeve të Presidencës së Këshillit Evropian me Parlamentin Evropian për liberalizimin e vizave për Kosovën.
Ndryshe Kosova është një nga vendet në Evropë që nuk ka liberalizim të vizave.