Qytetarët serbë në veri kanë filluar të mblidhen në Rudarë, në afërsi të Zveçanit. Sipas informatave nga vendi i ngjarjes, aty janë parë burra të maskuar dhe gra.
Arsyeja e mbledhjes ende nuk është bërë e ditur, por ka informata se kjo vjen pas një arrestimi në veri, raporton REL.
Në këtë vend, Rudarë, më herët janë ngritur barrikada nga serbët lokalë.
Shefi i Zyrës për Kosovën në Beograd, Petar Petkoviq, ka deklaruar se në Jarinjë sot është arrestuar Dejan Pantiq, ish pjesëtar i Policisë së Kosovës.
Krahas kësaj, në Veri të Mitrovicës është lëshuar alarmi i sigurisë.