Tre persona kanë vdekur dhe katër të tjerë u plagosën pas të shtënave me armë zjarri në qendër të Parisit, pranë një qendre kulturore kurde jo shumë larg stacionit Gare de l’Est.
Sipas raportimeve deri më tani nga mediat franceze, thuhet se i dyshuari është rreth të 60-ave, dhe ai tashmë është arrestuar.
Motivet e personit të armatosur mbeten të paqarta, me 2/4 e të plagosurve të mbetur në gjendje të rëndë, thanë zyrtarët francezë.
Policia e Parisit në Twitter ka thënë se një operacion lidhur me këtë rast është duke vazhduar dhe i ka kërkuar qytetarëve që të shmangin frekuentimin në atë zonë.
Ndërsa, prokurorët francez thanë se kishin hapur një hetim për vrasje.
Dëshmitarja e rastit ka thënë për agjencinë e lajme AFP, se kishte dëgjuar shtatë ose tetë breshëri gjuajtje armësh.
Derisa policia ndaloi të dyshuarin, ata gjetën armën e përdorur në sulm, raporton BBC.
Rruga afër stacionit të metrosë “Chateau d’Eau” ka disa restorante dhe dyqane, si dhe qendrën kulturore.