Ish-kryenegociatorja Edita Tahiri ka thënë se ka ardhur koha që Shtetet e Bashkuara të Amerikës të marrin nën udhëheqje ndërmjetësimin e dialogut Kosovë-Serbi.
Tahiri ka shtuar se nuk mund të ketë paqe të qëndrueshme dhe as marrëveshje finale përderisa Serbia mbetet ende proruse.
“Nuk mund të presim paqe të qëndrueshme dhe as marrëveshje finale përderisa Serbia mbetet proruse”, ka shkruar ajo në llogarinë e saj në Facebook.
“Është koha që SHBA-ja ta marrë udhëheqjen për ndërmjetësimin e dialogut Kosovë-Serbi, me përkrahjen e partnerëve evropianë”, ka theksuar Tahiri, transmeton Portali Dukagjini.