Një shije përfekte, keku çokollatë që preferohet shumë, i lehtë për t’u përgatitur dhe i shijshëm për t’u ngrënë, me shumë pak punë.
Përbërësit
- 4 vezë
- 1 gotë e gjysmë sheqer
- 1 vanilje
- 1 gotë vaj
- 1 gotë jogurt
- 3-4 lugë kakao
- 2 gota miell
- 1 pluhur pjekje
Përgatitja:
Në një enë të thellë hedhim katër vezë të cilave i’u shtojmë edhe një gotë e gjysëm sheqer (gotë 200ml), aty vendosim edhe sheqer vaniljen dhe i përziejm. Pastaj shtojmë një gotë vaj dhe një gotë kos (gotë 200ml) ku prapë vazhdojmë me përzierjen e tyre dhe në fund i hedhim tri deri në katër lugë gjelle kakao dhe dy gota miell së bashku me pluhurin për pjekje. Për ti dhënë edhe një aromë i hedhim pak limon. Dhe çfarë na mbetet për fund pjekja e kekut të shijshëm në furrën e nxehtë për katërdhjetë minuta në 180 gradë celsius. Për ta kompletuar kekun në anën tjetër ziejm një gotë me qumësht dhe çokollatën derisa piqet keku dhe pastaj e hedhim mbi të. E lehtë, e shpejtë dhe mbi të gjitha e shijshme.