Ministri i Mbrojtjes, Armend Mehaj ka thënë se bizneset vendore mbështesin FSK-në, “duke mbështetur ushtrinë po mbështesin zhvillimin ekonomik dhe stabilitetin e vendit!”.
“Në kuadër të bashkëpunimit ndërinstitucional, sot me Aleancën e Biznesit Kosovar, kryesuar nga kryetari Agim Shahini, nënshkruam Memorandumin e Bashkëpunimit”, ka njoftuar ministri i Mbrojtjes, Armend Mehaj.
Mehaj ka njoftuar se ka shprehur mirënjohjen për vullnetin e përfaqësuesëve të bizneseve vendore për mbështetjen e pjesëtarëve të FSK-së “duke u mundësuar zbritje në produkte, artikuj dhe shërbime nga bizneset”.
“Ndërsa nga ana e tij, kryetari i AKB-së, z. Shahini u shpreh se kjo iniciativë është shprehje e vullnetit të ndërmarrësve për mbështetje të sigurisë së vendit në formë ekonomike. Gjithashtu, ai u zotua se në vazhdimësi do të rritet numri i bizneseve vendore të cilat do të mbështesin FSK-në”, ka shtuar Mehaj.